Pavarësisht se fushata ende nuk ka nisur zyrtarisht, zërat që kërkojnë Metën kryeministër në takimet me bazën e LSI-së po shtohen. Pas deklaratës së minstres së Integrimit javën e kaluar, edhe deputeti Flamur Çela është shprehur se kjo forcë i ka mundësitë të marrë ekzekutivin.
Në një takim me banorët e Oshtimës në Vlorë, Çela u kërkoi banorëve të mos qëndrojnë pasiv, por të orientohen drejt subjektit politik që punon për qytetarët.
“Nëse duam që t’i vëmë gjërat përpara në këtë fshat duhet që më përpara të marrim pushtetin, ta konsolidojmë atë. Forca politike ku unë bëj pjesë është ajo forcë që ka gjasa të marrë ekzekutivin, të marrë kryeministrin. Dhe të marrësh kryeministrin do të thotë të jesh më afër të gjithë atyre mundësive që të ofron pushteti”, citon Ora deputetin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
