Rëndohet bilanci i viktimave nga stuhia e Arktikut që goditi Shtetet e Bashkuara.
Sipas mediave amerikane, të paktën 48 njerëz kanë vdekur, 27 prej tyre në shtetin e Nju Jorkut.
Katër viktima kanadeze iu shtuan numrit të viktimave, kur një autobus u përmbys pasi rrëshqiti në një rrugë të akullt në qytetin Merritt në provincën perëndimore të British Columbia.
Rreth 200 000 njerëz mbetën pa energji elektrike në pasditen e Ditës së Krishtlindjes.
"Kjo është një luftë me nënën natyrë dhe ajo na ka goditur me gjithçka që ka" që nga e enjtja, tha guvernatorja e shtetit të Nju Jorkut, Kathy Hochul.
Moti i keq ka përfshirë të gjithë kontinentin, nga Kanadaja deri në jug, në Rio Grande.
Stuhia dimërore e "ciklonit bombë" - e cila ndodh kur presioni atmosferik bie në mënyrë të menjëhershme, duke shkaktuar borë të dendur dhe erëra - ka ndërprerë udhëtimet nëpër SHBA.
Sipas parashikimeve, situata do të lehtësohet në ditët në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
