Banka Evropiane e Investimeve, krahu huadhënës i Bashkimit Evropian, po propozon një strukturë financimi të përdorur më parë gjatë pandemisë COVID-19 për të ndihmuar në rindërtimin e Ukrainës me deri në 100 miliardë euro investime, sipas një dokumenti të siguruar nga Reuters.
Fondi i Mirëbesimit BE-Ukrainë do të kërkojë të ketë një kontribut fillestar prej 20 miliardë eurosh nga vendet e BE-së dhe buxheti i BE-së në formën e granteve, huave dhe garancive.
Garancitë në veçanti do të kishin një efekt shumëfishues, duke çuar në projekte infrastrukturore që arrijnë në rreth 100 miliardë euro, thuhej në dokument, rreth gjysma e nevojave më imediate të Ukrainës.
Propozimi i EIB do të zbulohet të hënën, ditën e parë të Konferencës Ndërkombëtare të Rimëkëmbjes së Ukrainës në Zvicër që synon të sigurojë burime për Ukrainën dhe të ndihmojë një rimëkëmbje të pasluftës.
EIB po propozon një fond që do të funksiononte si ai i përdorur në pandeminë COVID-19 për të garantuar financim për kompanitë e vogla dhe të mesme. Ai parashikonte 25 miliardë euro që do të çonin në mobilizimin e deri në 200 miliardë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
