Ka dështuar sot për të 53-tën herë arritja e konstituimit të Kuvendit të Kosovës.
Në seancën e mbajtur sot në orën 14:00 deputetët dështuan sërish të zgjidhin ngërçin politik.
Një tjetër seancë është paralajmëruar të mbahet këtë të shtunë në orën 22:00, ndërkohë që sot mbyllet afati 30-ditor i përcaktuar nga Gjykata Kushtetuese.
Të pranishëm në sallë gjatë votimit të sotëm ishin 101 deputetë. Kryetari i Nismës, Fatmir Limaj, deklaroi as sot nuk pret të ketë ndryshim sa i përket votimit në seancën për konstituimin e Kuvendit. Sipas tij duhet të pritet vendimi i Gjykatës Kushtetuese.
Përfaqësuesit e PDK-së, LDK-së dhe AAK-së kanë kërkuar kthim në rend të ditës dhe jo votim të fshehtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
