Numri i të vdekurve në Rripin e Gazës ka shkuar në 35,562 që nga fillimi i luftës më 7 tetor, sipas Ministrisë së Shëndetësisë. Ndërsa 79,652 të tjerë janë plagosur.
Për sa i përket bilancit në 24 orët e fundit, kanë humbur jetën 106 persona dhe janë plagosur 176 palestinezë të tjerë.
Sulmet izraelite vranë 106 persona dhe plagosën 176 të tjerë në 24 orët e fundit. Shumë njerëz janë ende të bllokuar nën rrënoja dhe në rrugë pasi ekipet e shpëtimit nuk janë në gjendje t’i shpëtojnë ata.
Më shumë se shtatë muaj pas luftës izraelite, një pjesë e madhe e Gazës qëndronte në gërmadha mes një bllokade gjymtuese të ushqimit, ujit të pastër dhe ilaçeve.
Agjencia e OKB-së ka paralajmëruar se furnizimet e ndihmave ushqimore janë në gjendje kritike në Gaza dhe se nuk do të ketë më asgjë "brenda disa ditësh", pasi një sulm i planifikuar tokësor izraelit në Rafah shkakton zhvendosje masive mes një katastrofe humanitare në thellim.
Programi Botëror i Ushqimit (WFP) thotë se "përshkallëzimi i aktivitetit ushtarak" në qytetin jugor të Gazës "ka zhvendosur qindra mijëra njerëz". Rritja e luftimeve mund të "sjell operacionet e ndihmës në një ndalesë të plotë".
Më 6 maj, forcat izraelite filluan të zgjerojnë sulmet ajrore në sulme tokësore në Rafah, nga ku më shumë se 810,000 palestinezë janë zhvendosur, sipas agjencisë së OKB-së për refugjatët palestinezë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
