Qeveria e futbollit botërorë FIFA ka hapur një hetim për festimet e golave të Granit Xhakës dhe Xherdan Shaqirit gjatë fitores së Zvicrës ndaj Serbisë në Kupën e Botës në Rusi.
Të dy lojtarët janë shqiptarë etnikë nga Kosova, ku një goditje serbe ndaj popullatës shqiptare përfundoi vetëm me ndërhyrjen ushtarake të NATO-s në 1999.
Pas shënimit, ata bënë një gjest shqiponje në një simbol të shqiponjës me dy koka mbi flamurin shqiptar.
Të dy lojtarët pas festave të tyre u fishkëllyen dhe u shanë në kor nga tifozët e Serbisë, raporton BBC.
Në një deklaratë, Fifa tha se komiteti i tij disiplinor kishte hapur procedime kundër Xhakës dhe Shaqiri, duke shtuar: "Në lidhje me të njëjtën ndeshje, janë hapur procedurat disiplinore kundër Fderatës serbe të Futbollit për turbullim të turmave dhe shfaqjen e mesazheve politike dhe fyese nga tifozët serbë".
"Për më tepër, është hapur një hetim paraprak kundër trajnerit të ekipit kombëtar serb, Mladen Krstajiç, për deklaratat e dyshuara të bëra pas ndeshjes së përmendur".
Nuk është e qartë se çfarë nënkupton hetimi ndaj Krstajic, por në komentet ndaj gazetarëve serbë të shtunën, ai tha për arbitrin Felix Brych: "Nuk do t'i jepja as karton të verdhë apo të kuq, do ta dërgoja në Hagë. Atëherë ata mund ta vrasin atë në gjyq, ashtu si na bëri ai ne".
Pas ndeshjes, e cila fitoi 2-1, menaxheri i kombëtare së Zvicerane, Vladimir Petkoviç i cili është nga Bosnje Hercegovina u pyet për festimet dhe tha: "Ju kurrë nuk duhet të përzierni futbollin me politikën. Është e rëndësishme të jeni tifozë dhe të respektoni. Ishte një atmosferë e mrekullueshme dhe kjo duhet të mbështetet."
Babai i Xhakës kaloi tre vjet e gjysmë si një i burgosur politik në Jugosllavi, ndërsa Shaqiri lindi në Jugosllavi para se të emigronte në Zvicër si fëmijë.
Shaqiri gjithashtu luajti me një flamur kosovar, të vendosur në këpucët e tija.
"Është vetëm emocion", tha ai për festimin e tij. "Unë jam shumë i lumtur që shënova këtë gol. Nuk është më, mendoj se ne nuk duhet të flasim për këtë tani".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
