Shefi i shtabit të ushtrisë britanike paralajmëron se duhet të meren masa ndaj Rusisë, pasi ajo po krijon një forcë agresive ushtarake e cila përbën rrezik për sigurinë e Europës Veriore. Gjenerali Sir Nick Carter thotë se Britania duhet të vazhdojë që forca e saj ushtarake të vij në rritje ndaj Vladimir Putin, që të shohë aftësinë tonë për të ndërmarrë veprime 'të kufizuara masivisht'. Fjalët e tij të zymta shihen si një lutje për Ministrinë e Mbrojtjes që t'u jepet më shumë para përpara rezultateve për shqyrtimin e sigurisë gjatë javëve të ardhshme.
Mediat britanike kanë siguruar një raport të hartuar nga gjenerali Nick Carter, ku vlerësohet se ushtria britanike aktualisht është shumë e dobët për t’i bërë ballë një ofensive ruse. “Rreziku me të cilin përballemi qëndron në dyert e Europës”, shkruan Carter në raport. Sipas tij, bota po ndryshon dhe si Rusia, po ashtu edhe Kina po i fuqizojnë aq shumë ushtritë në mënyrë të papërballueshme. Si shembull, zyrtari i lartë ushtarak britanik merr versionet e reja të tankeve ruse “Armata”, të zhvilluara vitet e fundit, të cilat sipas tij nuk mund të krahasohen me modelin “Challenger” të tankeve britanikë të modernizuar 20 vite më parë.
Për shkak të tensioneve me Moskën për çështjen e Ukrainës, disa deputetë britanikë kërkojnë rritjen në 3% të GDP-së të shpenzimeve ushtarake nga 2% që janë aktualisht. Vitin e kaluar, partnerët e NATO-s u alarmuan nga stërvitja e madhe ushtarake që Rusia zhvilloi në Kaliningrad e Bjellorusi, ku morën pjesë mbi 100 mijë ushtarë. Një stërvitje që inskenonte një sulm ndaj NATO-s në Europën Veriore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
