Gazetari Arjan Çani thotë se shpallja non grata e ish-kryeministrit Berisha është vetëm fillimi. Në studion e emisionit “Arnautistan”, në MCN TV, Çani tha se ky vendim është produkt i lobimit të fortë të Edi Ramës në SHBA.
Drejtësia tani pse u bë? Reforma pse u bë? Me lobimin e Edi Ramës. Ai ka një lobim të paparë. Një ditë, po të jemi gjallë, këtu do jemi do të shohim që Edi Rama është mjeshtër i paparë i lobimit të niveleve të larta. Një njeri që i thotë kryeministrit dy vjet përpara a e kalon dot oqeanin? Si ka mundësi që del tani DASH dhe konfirmon Edi Ramën? Ky njeri e dinte dy vjet përpara një vendim që është marrë sot. Është palë me amerikanët, ata që kanë gjëra në dorë. Po të mos ishte lobimi i Ramës, DASH do të merrej me Berishën? Jetojmë në një botë ku fiton më i forti. Më i forti prej 8 vjetësh është Edi Rama. Berisha është vetëm fillimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
