Dhoma e ulët e parlamentit të Rusisë miratoi sot ligjin për aneksimin e katër rajoneve të Ukrainës, duke vulosur kontrollin e tyre pas referendumeve të kontestuara gjerësisht nga Perëndimi.
Ndërkohë BE thirri diplomatët rusë, si pjesë e një lëvizjeje të koordinuar me shtetet anëtare për të dënuar "aneksimin e paligjshëm" të katër rajoneve të Ukrainës nga presidenti Vladimir Putin.
"Ky është një lëvizje e koordinuar në mbarë BE-në dhe BE," i tha AFP Peter Stano, zëdhënës i marrëdhënieve të jashtme për bllokun.
Vendet e BE-së filluan të thërrasin të dërguarit rusë të premten pasi Putini deklaroi zyrtarisht se katër rajone të Ukrainës të pushtuara nga trupat e tij janë tashmë territor rus.
Belgjika thirri të premten ambasadorin rus, të ndjekura më pas edhe nga Italia dhe Austria.
Udhëheqësit e BE-së janë zotuar se "nuk do ta njohin kurrë këtë aneksim të paligjshëm" të kryer nga Moska dhe blloku po përgatit sanksione të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
