Greqia ka bërë një përpjekje "të madhe" me reforma pasi shpërtheu kriza e borxhit, ndërsa huadhënësit e saj ndërkombëtarë tani duhet t'i japin lehtësim për borxhin e vendit, tha të hënën kreu i OECD, Angel Gurria.
Gurria, i cila u takua me kryeministrin grek Alexis Tsipras në Athinë, i kërkoi Greqisë të vazhdojë me reformat pasi përfundimi i këstit të tretë që skadon në gusht, raporton Reuters.
"Unë dua të përgëzoj të gjithë popullin grek për një përpjekje të madhe reformash, ishte një paketë shumë ambicioze reformash", tha ai, "dhe këto reforma po japin fryt."
Në sondazhin e fundit mbi Greqinë, Organizata për Bashkëpunim dhe Zhvillim Ekonomik sheh se ekonomia greke rritet me dy për qind këtë vit dhe ndoshta me 2.3 për qind vitin e ardhshëm, tha Gurria.
Ai përshëndeti strategjinë kombëtare të rritjes ekonomike, e cila u prezantua në ministrinë e financave të eurozonës javën e kaluar, por paralajmëroi se papunësia e lartë dhe investimet e ulëta ishin ende në mesin e sfidave me të cilat përballej Greqia.
Tsipras tha se Greqia dhe OECD do të punonin së bashku dhe përsëriti se Greqia nuk ka më nevojë për më shumë masa shtrenguese, por për masa lehtësuese në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
