Një skelet i rindërtuar i Tyrannosaurus Rex, që daton 65-67 milionë vjet më parë, u shit nga shtëpia zvicerane e ankandeve Koller për rreth 5 milion e 600 mijë euro, duke përfshirë tarifat e ankandit.
I pagëzuar Trinity, skeleti është 3.9 metra i lartë dhe 11.6 metra i gjatë dhe rezulton nga montimi i mbetjeve të tre T-Rex të ndryshëm të gjetur në SHBA midis 2008 dhe 2013, në Montana dhe Wyoming.
Dy skelete të tjera T-Rex janë zbuluar dhe shitur në ankand në vitet e fundit: “Stan” në vitin 2020 për 31.8 milionë dollarë dhe “Sue” në 1997 për 8.4 milionë dollarë.
Trinity i përkiste një koleksionisti amerikan, ai u ble nga një europian që mbledh dinozaurët dhe artin modern, tha shtëpia e ankandeve.
Ky është T-Rex i parë i shitur në ankand në Europë dhe publiku ishte në gjendje ta admironte gjatë dy javëve para ankandit, në të cilin mbeti i ekspozuar në selinë qendrore të Koller në Zyrih. Trinity tërhoqi mbi 30.000 vizitorë, mes tyre shumë fëmijë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
