Një zjarr i fuqishëm ka rënë mesnatën e kaluar në një prej pikave më të njohura turistike në vend, në Syrin e Kaltër, bashkia Finiq. Ngjarja ka ndodhur rreth orës 00:05 të datës 6 shtator, në hyrje të parkut natyror.
Si pasojë e flakëve, janë djegur plotësisht 4 kioska tregtimi private që ndodheshin në këtë zonë. Menjëherë pas marrjes së njoftimit, në vendngjarje kanë shkuar 3 mjete zjarrfikëse dhe 2 mjete të policisë së bashku me efektivët.
Efektivat zjarrfikës kanë luftuar me flakët për rreth dy orë, duke bërë të mundur lokalizimin dhe fikjen e plotë të zjarrit rreth orës 02:00 të mëngjesit. Nga hetimet paraprake të autoriteteve, dyshohet se shkak i rënies së zjarrit ka qenë një masë elektrike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
