Përmbytje dhe rrëshqitje toke, mbi 100 të vdekur në Indi

Rrëshqitjet e tokës dhe përmbytjet e shkaktuara nga shiu i fortë në Indinë perëndimore i kanë marrë jetën më shumë se 100 personave..

Ndërkohë më shumë se 1.000 njerëz të bllokuar nga ujërat e përmbytjes u shpëtuan.

Në numrin e viktimave përfshihen 54 të vrarë në katër rrëshqitje dheu në rrethet Raigad dhe Ratnagiri, dhe 27 u vranë nga shtëpitë që u shembën. Sipas zyrtarit të qeverisë së shtetit Sagar Pathak më shumë se 30 njerëz ishin zhdukur pas rrëshqitjeve të dheut.

Shiu tashmë është ngadalësuar, por nivelet e ujit po rriteshin përsëri për shkak të një batice të lartë. Megjithatë, ekipet e shpëtimit kanë arritur në zonat më të goditura.

Fatkeqësitë e shkaktuara nga rrëshqitjet e tokës dhe përmbytjet janë të zakonshme në Indi gjatë sezonit qershor-shtator, kur reshjet e mëdha të shiut dobësojnë bazat e strukturave që shpesh janë të ndërtuara keq.