Starova: Trajneri i Partizanit po më duket simpatik, rrallë e bëjnë në botë dhe në Europë

Specialisti i futbollit, Sulejman Starova, duke komentuar fitoren e Partizanit ndaj Bylisit, tha se të kuqtë janë pretendentë kryesorë për titullin.

Në emisionin “Skaner” në MCN TV, Starova komentoi edhe deklaratën e trajnerit të Partizanit, Colella, duke thënë se mori përsipër gabimet, diçka që sipas tij, rrallë e bëjnë trajnerët e tjerë.

Ky trajneri po më bëhet simpatik për herë të dytë. Partizani është pretendent kryesor për titullin kampion. Nuk falet në Ballsh që të falësh në lojë. E lavdëroj trajnerin, sepse nuk kam dëgjuar ndonjë trajner tjetër të dalë dhe të marrë përsipër problemet. Ky zotëria, ka dy herë që pranon gabimet. Është e rrallë të shikosh në botë dhe në Europë, që trajneri të dalë dhe të marrë përsipër gabimet e tij. Ky person po më duket simpatik në këtë drejtim.