Një krim në familje ndodhi mbrëmjen e sotme në Durrës. Ngjarja e rëndë u shënua në lagjen numër 15, ku viktimë e dhunës së bashkëshortit mbeti Adriana Shaholli, 40 vjeçe.
Sipas policisë, Shaholli u paraqit në Urgjencën e Spitalit Rajonal Durrës rreth orës 19:55 me plagë në kokë, dhe për pasojë ndërroi jetë pak minuta më pas.
Policia bëri të ditur se autori i dyshuar i dhunës që i shkaktoi vdekjen gruas është bashkëshorti i saj, Çlirim Shaholli, 42 vjeç, i cili e ka goditur me mjete të forta.
Ndërsa vetë Shaholli ka thënë se në gjaknxehtësi e sipër e ka shtyrë të shoqen, e cila është rrëzuar dhe ka rënë me kokë në dysheme.
Çifti Shaholli janë prindër të 6 fëmijëve të mitur, të cilët nuk kanë qenë të pranishëm në momentin e krimit. Familja jetonte në kushte varfërie, pasi e vetmja që punonte ishte viktima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
