Gazetari turk i cili kërkoi azil në Shqipëri dhe iu mohua, është deportuar drejt Turqisë
Bëhet fjalë për gazetarin Ahmet Emre Olur, i cili kërkoi azil në Shqipëri, por nuk iu dha.
Është Drejtoria e Përgjithshme e Sigurisë së Turqisë ajo që e ka konfirmuar lajmin, nëpërmjet një postimi në rrjetet sociale, cituar nga mediat turke.
Deportimi i Olur u bë pas pretendimit se ka përfunduar afati 2-vjeçar i qëndrimit në Shqipëri.
Në kërkesën për azil, gazetari turk pretendonte se i rrezikohej jeta në vendin e tij për shkak të bindjeve politike dhe kronikave televizive të realizuara kundër qeverisë.
Pikërisht prej kronikave kundër qeverisë, gazetari ishte shpallur në kërkim nga autoritetet turke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
