Delegacioni i Bashkimit Europian ën Tiranë ka dhënë një mesazh në lidhje me “Ditën kundër korrupsionit”.
Në mesazhin e tij, Delegacioni Europian bëri thirrje për institucionet që të intensifikojnë veprimet e tyre kundër korrupsionit dhe të nxjerrin para drejtësisë të gjithë personat e përfshirë.
“Korrupsioni shteron burimet jetike të Shqipërisë, ndikon në shtetin ligjor dhe në besimin e publikut tek institucionet, si dhe ngadalëson ndjeshëm zhvillimin ekonomik.
Në Ditën Ndërkombëtare kundër Korrupsionit, u bëjmë thirrje gjithë institucioneve që të intensifikojnë veprimet e tyre kundër korrupsionit dhe të nxjerrin para drejtësisë gjithë ata që janë të përfshirë në akte korrupsioni. Është jetike për të ardhmen e popullit shqiptar dhe për anëtarësimin e Shqipërisë në BE. BE-ja”, thuhet në reagimin e delegacionit të BE.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
