Presidenti brazilian Jair Bolsonaro tha të enjten se izolimi dhe mbyllja e gjithçkaje për të ngadalësuar përhapjen e pandemisë së koronavirusit "është rruga drejt dështimit".
Duke folur me gazetarët në Brasilia, ai u shpreh se Brazili nuk do ta përballojë dot gjithë këtë.
Bolsonaro, i cili ka qenë kritik ndaj izolimit që nga fillimi i pandemisë, paralajmëroi për "kaosin shkatërrues", duke sulmuar edhe njëherë guvernatorët dhe kryetarët e bashkive që kanë kërkuar bllokimin në shtetet dhe qytetet e tyre.
Ndërkohë, mediat lokale raportuan se 900 njerëz në Rio de Janeiro ishin duke pritur për një shtrat të kujdesit intensiv në njërën prej njësive shëndetësore të mbingarkuara të shtetit.
Njësitë e kujdesit intensiv të spitaleve në Brazil janë të gjitha të mbingarkuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
