Një gjykatë në Misuri të Shteteve të Bashkuara të Amerikës ka dënuar kompaninë e njohur të prodhimeve kozmetike Johnson&Johnson me 4.7 miliardë dollarë gjobë.
Fatura e kripur shkon në favor të 22 grave, të cilat paditën kompaninë për pudrën talk e cila dyshohet se ka zhvilluar te to kancer në vezore.
Gjyqi ka zgjatur gjashtë javë dhe vendimi parashikon 550 milionë dollarë kompensim dhe 4.1 miliardë si dënim për dëmet e shkaktuara.
Sipas paditësve, përdorimi i pudrës për dekada është shkaku i kancerit dhe sipas tyre kompania e ka ditur se talku i përdorur ka qenë i kontaminuar me abzest që në vitet ’70 por nuk i ka paralajmëruar konsumatorët.
Talku është është një minearal që shpesh ndodhet në afërsi të abzestit, çka përbën shkak të besueshëm për pretendimet e femrave që e lidhin këtë aspekt me zhvillimin prej tyre të kancerit.
Ndaj Johnson & Johnson ka deri më tani 9000 çështje legale të hapura që kanë të bëjnë me pudrën talk, ndërkohë që në vitin 2017, një tjetër vendim në Kaliforni e dënoi kompaninë me 417 milionë dollarë në favor të vetëm një paditësi.
Johnson ka reaguar duke deklaruar se do të apelojë dhe me këtë rast zëdhënësi i saj ka deklaruar se çdo vendim i apeluar është fituar nga kompania.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
