Kina ndalon adoptimin e fëmijëve kinezë nga çiftet e huaja

<p>Kina ka mbyllur zyrtarisht programin e saj ndërkombëtar të birësimit, ka njoftuar Ministria e Jashtme. Lëvizja vjen në një kohë kur qindra familje amerikane kanë aplikime në pritje për të adoptuar fëmijë kinezë, sipas Associated Press.</p> <p>“Përveç birësimit...nga të afërmit me gjak dhe të të njëjtit brez...Kina nuk do të dërgojë fëmijë jashtë vendit për birësim. Kjo është gjithashtu në përputhje me frymën e marrëveshjeve përkatëse ndërkombëtare, "tha Mao Ning, zëdhënëse e ministrisë.</p> <p>AP raportoi se, në një telefonatë me diplomatët amerikanë në Kinë, zyrtarët e qeverisë thanë se "nuk do të vazhdojnë të përpunojnë çështje në asnjë fazë" përveç rasteve të veçanta të mbuluara nga një klauzolë përjashtimi. Gjatë tre dekadave të fundit, SHBA ka qenë destinacioni më i zakonshëm për birësimet jashtë shtetit të fëmijëve kinezë.</p> <p>Në vitin 2007, Pekini ashpërsoi procesin e verifikimit për adoptuesit e huaj, me theks te stili i jetës familjare dhe mosha, dhe duke pranuar aplikime vetëm nga çiftet e martuara heteroseksuale.</p> <p>Pekini pezulloi përkohësisht birësimet e huaja gjatë pandemisë së koronavirusit, por më vonë i &nbsp;rifilloi procedurat për çiftet që kishin autorizime udhëtimi para vitit 2020.</p> <p>Ndalimi i Kinës ndjek hapa të ngjashëm nga vendet e tjera. Në janar, agjencia e vetme e birësimit jashtë shtetit në Danimarkë pushoi së funksionuari, pasi u ngritën shqetësime për parregullsi dhe dokumente false.</p> <p>Në qershor, Norvegjia forcoi kontrollet mbi birësimet e huaja dhe tani po kryen një hetim nëse birësimet e mëparshme kanë qenë të ligjshme dhe etike.</p> <p>Qytetarëve të disa vendeve tashmë u ndalohet të birësojnë fëmijë rusë. “Ligji Dima Yakovlev” i vitit 2013 ndaloi birësimet nga amerikanët, pasi një jetim rus i birësuar nga një çift nga Virxhinia u la në një makinë për nëntë orë dhe vdiq nga vapa.</p> <p>Në gusht 2022, një propozim iu bë Dumës së Shtetit për të zgjeruar ndalimin e birësimit në të gjitha "vendet jomiqësore". Dërgimi i fëmijëve rusë atje do të ishte një "goditje për të ardhmen e kombit", argumentuan ata, pasi Perëndimi "shkatërron vlerat tradicionale". Megjithatë, presidenti Vladimir Putin kundërshtoi, duke thënë se mënyra se si u hartua, projektligji do të cenonte të drejtat e ukrainasve që jetojnë në territorin rus.</p> <p>Rusia i ndaloi çiftet e të njëjtit seks të birësonin fëmijë në vitin 2013. Kisha Ortodokse Ruse ka propozuar që atëherë ndalimin e birësimeve ndërkombëtare nga çifte nga vendet që lejojnë procedurat e "ndryshimit të gjinisë", një ide që më pas u mbështet edhe në parlamentin rus.</p>