Në Francë, vajzave deri në moshën 25 vjeç do t’u jepen falas kontraceptivët nga 1 janari i vitit të ardhshëm. Masa e re që do t'i kushtojë shtetit 21 milionë euro (24.8 milion dollarë) në vit, tha të enjten ministri francez i Shëndetësisë, Olivier Veran.
Njoftimi për këtë masë të re vjen ndërsa qeveria e Presidentit Emmanuel Macron përgatitet për fushatën zgjedhore të vitit 2022.
"Ka një rënie të përdorimit të kontracepsionit midis disa grave të reja dhe kjo është kryesisht për arsye financiare", tha Veran për televizionin France 2.
"Është e padurueshme që gratë nuk mund të mbrohen, nuk mund të kenë akses në kontracepsion nëse duan ta bëjnë atë zgjedhje sepse është shumë e shtrenjtë," shtoi ai.
Deri tani, kufiri i moshës për të përfituar kontraceptivë falas në Francë ka qenë 18 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
