Prokuroria e Venezuelës ka kërkuar arrestimin e kandidatit të opozitës në zgjedhjet presidenciale të 28 korrikut, Edmundo González Urrutia, duke e akuzuar atë për falsifikim të dokumenteve publike, nxitje për mosbindje ndaj ligjeve të shtetit, konspiracion, sabotim për të dëmtuar sistemet dhe shoqata terroriste. Kërkesa është lëshuar nga prokurori Luis Ernesto Dueñez Reyes.
Kërkesa vjen pasi prokuroria thirri Gonzalez Urrutia në tre raste dhe kandidati i opozitës vendosi të mos paraqitej, pasi nuk dinte se në çfarë cilësie duhej të paraqitej dhe nuk njihte krimet që prokuroria i atribuonte.
Presidenti i Venezuelës Nicolás Maduro Moro sulmoi kandidatin e opozitës Edmundo González Urrutia gjatë programit të tij të përjavshëm Con Maduro+ në televizionin publik, duke e quajtur atë frikacak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
