Komisioni i Ekonomisë, në mbledhjen e tij të radhës, ka shkarkuar kreun e Autoritetit të Mbikqyrjes Financiare, Enkelejda Shehi. Shkarkimi i Shehut është miratuar me 9 vota pro dhe 2 kundër. Deputetët e LSI-së, Gjovalin Kadeli dhe Gledion Rehovica, votuan kundër shkarkimit të Shehit.
Kërkesa për shkarkimin e kreut të AMF është bërë nga anëtarët e bordit të AMF, të cilët rendisin edhe një sërë provash ku drejtoresha Shehi ka shkelur ligjn në vendimmarrjet e saj dhe emërimet në departamente.
Shkresa mban datën 22 shkurt, kur në mbledhjen e bordit, katër nga pesë anëtarët kanë votuar pro shkarkimit edhe kanë përcjellë prova lidhur me kryerjen e veprimtarive në kundërshtim me ligjin nga drejtoresha Shehi.
Në kërkesë argumentohet se Shehi ka refuzuar zbatimin e rezolutës së Kuvendit të Shqipërisë, rishikimin e rregullores mbi marrëdhëniet e punës, ka ushtruar kompetencat e bordit, duke emëruar dhe shkarkuar drejtorë të Drejtorive dhe Departamenteve.
Përplasjet mes kryetares së AMF dhe anëtarëve të bordit janë bërë publike në mesin e vitit të kaluar, dhe ato lidheshin me vendimmarrjen dhe rekturimet në institucion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
