Komisioneri Shtetëror i Zgjedhjeve, Ilirjan Celibashi, ka ndarë një pasqyrë të shpërndarjes së votave sipas subjekteve zgjedhore pjesëmarrëse në zgjedhjet e pjesshme të 6 marsit.
Teksa thotë se vota vlen gjithmonë, Celibashi, publikon shifrat e marra.
Partia Socialiste në zgjedhjet e 6 marsit, ka marrë në total, 106.703 vota.
Koalicioni “Shtëpia e Lirisë” ka marrë 60.223 vota.
Ndërkohë Partia Demokratike, e cila renditet e treta për numrin e votave, ka marrë 26.662 vota.
Sakaq Lëvizja e Re, ka marrë vetëm 99 vota. Në total, KQZ raporton se vota të pavlefshme në të gjashta bashkitë ku u mbajtën zgjedhjet e pjesshme, Shkodër, Durrës, Lushnjë, Rrogozhinë, Dibër dhe Vorë, kanë rezultuar 4855 vota.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
