Kancelari gjerman, Olaf Scholz, udhëton drejt Ukrainës, ku pritet të takohet me presidentin Volodymyr Zelenskiy, në përpjekje për të çtensionuar krizën në mënyrë diplomatike. Të martën, Shcolz do të udhëtojë drejt Moskës, kur do të takohet me presidentin rus, Vladimir Putin.
Një ditë më parë, kancelari gjerman deklaroi se anëtarët e NATO-s dhe Bashkimit Evropian kanë përgatitur “në mënyrë të kujdesshme” sanksione të ashpra, që “mund të hyjnë në fuqi menjëherë” në rast të një pushtimi të Ukrainës.
Sipas SHBA, numri i trupave ruse pranë kufijve të Ukrainës është rritur nga 100 000 në 130 000.
Javën e kaluar, në Kiev dhe Moskë ishte presidenti francez, Emanuel Macron.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
