Ukrainë-Rusi, Orban: Rrezik real për një Luftë të Tretë Botërore, duhet armëpushim

Ekziston një rrezik real që lufta në Ukrainë të kthehet në Luftën e Tretë Botërore.

Kështu deklaroi Kryeministri hungarez, Viktor Orban, për të cilin deklaratat e disa liderëve perëndimorë sipas të cilëve do të ketë një luftë të tretë botërore, mund të duken si një ekzagjerim, por ky sipas tij është një rrezik real.

Kryeministri hungarez, i cituar nga mediat, shtoi se lufta po bëhet gjithnjë e më e përgjakshme dhe brutale, por se numri i vendeve dhe liderëve europianë që mbështesin paqen nuk është rritur.

Parlamenti hungarez do të miratojë një rezolutë që pasqyron qëndrimin tonë. Ne kërkojmë paqe dhe një armëpushim.