Kryetari i Akademisë së Shkencave, Gudar Beqiraj, tregon të gjitha arsyet që e çuan në dorëheqje. Në një inertvistë në “Debati në Channe One”, Beqiraj tha se dorëheqjen ia sugjeroi presidenti Meta.
“Nuk më kishte shkuar kurrë ndër mend të jepja dorëheqjen. Isha zgjedhur brenda rregullave të përcaktuara dhe nuk kisha asnjë dilemë. Por presidenti i Republikës Ilir Meta, të cilin e kam patur student, pas dy muajsh nga zgjedhja ime si kryetar, më thirri në zyrë dhe më sugjeroi të dorëhiqesha. Unë u binda. Nuk mund të merrja unë koston e asgjësimit të Akademisë. Tani jam vërtetë i çliruar nga një peshë që nuk kishte pse ta kisha unë. Ishte një sugjerim i drejtë i zotit Meta edhe pse unë mund të vazhdoja punën normalisht sepse ligji nuk përcakton zhdekretim, as afat dhe në këtë mënyrë unë isha komod ligjërisht. Por kjo nuk do ishte zgjidhje sepse quhej konflikt”, tha ai.
Beqiraj ka rrëfyer edhe marrëdhëniet me kryeministrin Rama. Beqiraj tha se Rama e kishte aprovuar dhënien e fondeve për Akademinë e Shkencave por e anuloi.
“Sa i përket kryeministrit Rama unë nuk e kam takuar prej shumë vitesh. Me të kurrë nuk kam patur as mosmarrëveshje, e as kontakt. Madje në vitin 2008 kur ishte kryetar i Bashkisë më dha titullin nder i qytetit të Tiranës. Kam përshtypjen se ka marrë këshilla të gabuara. Ka një fakt interesant. Vetëm dy orë përpara se të takoja Metën, kryeministri Rama kishte dhënë aprovimin për dhënien e fondeve për Akademinë e Shkencave, pra kishte kthyer atë që kishte premtuar se nuk do ta jepte”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
