Presidenti francez Emmanuel Macron deklaroi të enjten se ai nuk njeh kufij apo “vija të kuqe” ruse kur bëhet fjalë për mbështetjen e Kievit, duke marrë kritika si nga Moska ashtu edhe nga opozita në vend.
Macron thirri liderët e opozitës në Pallatin Elysee për të diskutuar mbështetjen e Francës për Ukrainën. Pas më shumë se tre orësh diskutimi, nuk u arrit asnjë konsensus.
Sipas gazetës, presidenti tha se nuk do t'i përmbahej "asnjë kufizimi" për të ndihmuar Kievin dhe nuk e konsideron atë një përshkallëzim, por një "përgjigje proporcionale" nga Parisi ndaj veprimeve të Moskës.
Retorika e Macron është bërë gjithnjë e më luftarake ndërsa trupat ruse vazhduan të shtyjnë ukrainasit prapa dhe shkatërrojnë pajisjet me të cilat Kievi u furnizua nga Perëndimi. Javën e kaluar Macron deklaroi se Perëndimi nuk mund ta përjashtojë mundësinë e dërgimit në terren të trupave të NATO-s në Ukrainë, por u përball me reagime nga shumica e anëtarëve të bllokut të udhëhequr nga SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
