Ministri i Jashtëm grek, Nikos Kocias, ka marrë një letër kërcënuese. “Kemi 3 plumba për ty” ishin disa prej fjalëve që shkruheshin në letër. Rasti u bë i ditur nga ministri për Mbrojtjen e Qytetarëve, Nikos Toskas.
Sipas tij, në letër kishte edhe kërcënime të tjera që përfshinin familjen e kreut të diplomacisë greke.
Në një prononcim për ANT1 Channel, ai tha se hetimet në lidhje me letrën kanë filluar.
“Për vite me radhë, media të caktuara – shtypi apo televizioni, kanë shpifur për mua, në mënyrë që të më bëjnë objektiv. Ata bezdisen që nuk mund të më ndalojnë. Ata janë mbështetësit e kërcënimeve kundër integritetit tim fizik dhe jetës sime. Unë pres që Demokracia e Re (ND) dhe Sinodi i Shenjtë të dënojnë veprime të tilla".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
