Një nismë e re në rrjetet sociale me hashtagun #StopHateForProfit (Stop urrejtjes për fitim) ka në fokus ndalimin e informacioneve të rreme dhe atyre që nxisin urrejtjen në Facebook dhe Instagram.
Pjesë e kësaj nisme janë bërë shumë persona të njohur. Kim Kardashian, një ndër personat më të ndjekur në botë, njoftoi sot se do të "ngrijë" llogaritë e saj në Facebook dhe Instagram, dhe u kërkoi ndjekësve të saj të bënin të njëjtën gjë.
Qëllimi është të dërgoni një mesazh të qartë në Facebook duke mbështetur fushatën #StopHateForProfit. Gruaja e reperit Kanye Ëest është e fundit nga të famshmit që u bashkua me 24 orë heshtje në Facebook, një iniciativë që gjithashtu u përkrah nga Leonardo DiCaprio, Katy Perry, Jennifer Lawrence, Ashton Kutcher dhe të tjerë të famshëm në mesin e mbështetësve të saj.
"Dezinformimi i shpërndarë në mediat sociale ka një ndikim serioz në zgjedhjet tona dhe minon demokracinë tonë. Unë nuk mund të hesht pasi këto platforma vazhdojnë të lejojnë përhapjen e urrejtjes, propagandës dhe dezinformimit," shkroi Kardashian, e cila në Instagram ka llogarinë e shtatë më të ndjekur në botë me 188 milion ndjekës.
Mbështetësit e #StopHateForProfit po i bëjnë thirrje Facebook-ut që, ndër të tjera, të ndalojë faqet që nxisin urrejtjen dhe të heqin dezinformimin zgjedhor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
