Qëllimi i Cristiano Ronaldos është i qartë tashmë . Luzitani është drejt largimit nga Juventusi sepse është shumë i zhgënjyer për situatën që po përjetojnë torinezët . Humbja e krediteve për një klasifikim të mundshëm në Uefa Champions League në sezonin vijues e vështirëson qëndrimin në ‘’ Allianz Arena ‘’ . Sipas Tuttosport prapa derës janë dy gjigandë si Manchester United dhe Paris St Germain që po fërkojnë duart dhe mbajnë të gjallë shpresën për të nënshkruar me 36 vjeçarin nga Madeira. Kjo situatë as që tentohej të parashikohej përpara fillimit të sezonit sepse llogaritej performanca e 9 sezoneve rrjesht dominimi absolut në Serinë A por taktikat jo korrekte të ndjekura nga drejtuesit e ‘’ Zonjës së Vjetër ‘’ dhe kreut të pankinës Andrea Pirlo e kanë lënë në prapavijë dhe aktualisht po vuan pasojat e keqmenaxhimit .
Konkluzioni është i qartë . I vetmi shpëtim për Juventusin është finalja e kupës së Italisë kundër Atalantës dhe pjesmarrja për në Champions League për të justifikuar disi një sezon që ka shkaktuar shumë problematika në kampin torinez . Në rast se gjërat do të kenë të njëjtin ritëm sipas deklaratave të shumta të krerëve të presidencës me shumë gjasa këta të fundit do të heqin dorë nga vijimi i pagës prej 27 milionë eurosh në sezon për golashënuesin e mirënjohur për të reduktuar humbjet drastike dhe vënies së një balance në aspektin financiar .
Largimi i mundshëm i Cristiano Ronaldos nga ‘’ Allianz Stadium ‘’ me siguri do ti krijojë një tjetër perspektivë ekonomike Juventusit që do ti shërbejë për të shtuar kualitetin në skuadër në merkaton verore dhe të krijojë stabilitetin e nevojshëm për të ardhmen e ndritur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
