Tre persona humbën jetën në Kinë, të thithur nga erërat e forta ndërsa ishin në apartamentet e tyre në provincën Jiangxi, në jug të vendit, dhe u hodhën nga dritaret.
Në total, shtatë persona kanë vdekur në këtë provincë që nga fillimi i erërave të ngjashme me tajfunin të dielën e kaluar, njoftoi transmetuesi shtetëror CCTV, duke shtuar se më shumë se 5400 shtëpi janë dëmtuar gjatë javës së kaluar.
Të martën, autoriteti meteorologjik i Kinës lëshoi një alarm portokalli, më i larti në sistemin e tij të paralajmërimit me tre nivele dhe i pari që nga viti 2013.
Katër vdekje dhe të paktën 10 të plagosur u raportuan në kryeqytetin e provincës Jiangxi, Nanchang, qyteti më i prekur.
Mes tyre, një 60-vjeçare dhe nipi i saj 11-vjeçar u hodhën nga dritaret e banesës së tyre nga erërat e forta së bashku me dyshekët e tyre.
Një tjetër grua 60-vjeçare është thithur nga era teksa ndodhej në banesën e saj në të njëjtën godinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
