Në Rrugën e Kombit, koncensionari po vijon punimet me ritme të shpejta për rindërtimin e terminalit të pagesave që u shkatërruar gjatë protestës së 31 marsit ndërkohë që ka zgjeruar zonën e kalimit me pagesë.
Për pak javë do të jenë gati 10 korsitë dhe 10 sportelet, ku do të arkëtohen edhe tarifat e reja të kalimit. Për banorët e zonës thuhet se do ketë një tarifë të reduktuar, por ata ende nuk dinë asgjë në lidhje me negociatat, pasi nuk kanë qenë pjesë dhe nuk u është marrë mendimi i tyre ndërsa për tarifat e reja kanë opinione të ndryshme.
Ndërkohë, kërkesa e Bashkisë Kukës, Këshillave Bashkiak Kukës, Has e Tropojë e bizneseve është e pandryshueshme, që për banorët e zonës tarifa të jetë zero. Aktualisht kalimi në Rrugën e Kombit po bëhet pa pagesë, ndërsa është konstatuar një rritje e fluksit duke qenë se është periudhë vere dhe ka shumë pushues që vijnë nga Kosova.
Pesë sportelet do të shërbejnë vetëm për sensin e lëvizjes drejt Tiranës. Kurse i riu do të shërbejë për automjetet që levizinin në sensin e kundërt, pra drejt Kukësit e Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
