Prokuroria e Posaçme Anti- Korrupsion (SPAK) ka nisur zyrtarisht hetimet për shembjen e Teatrit Kombëtar.
Prokurori i çështjes do të jetë Ervin Kondili, i cili ka në dorë dokumentet nga Bashkia Tiranë për procedurën e ndjekur për shembjen e dy godinave të Teatrit Kombëtar dhe Teatrit Kombëtar Eksperimenal “Kujtim Spahivogli”.
Aleanca për Mbrojtjen e Teatrit ka dorëzuar dy padi, të cilat tashmë janë bashkuar. Në funksion të hetimeve do të pyeten inxhinierët që kanë firmosur për shembjen e godinave të Teatrit Kombëtar, por dhe zyrtarë të tjerë në Bashkinë Tiranë.
Në padinë e depozituar në SPAK nga Aleanca për Mbojtjen e Teatrit janë kallëzuar zyrtarë të lartë të Bashkisë Tiranë, drejtuesit e policisë, drejtori i Teatrit Kombëtar, ministrja e Kulturës etj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
