Në protestat e ditëve të fundit janë dëgjuar thirrje për dorëheqjen e kryeministrit Edi Rama, por njëkohësisht edhe për largimin e ish-kryeministrit Sali Berisha.
Gazetari Mariglen Kume, në një analizë për “MCN Live”, u shpreh se protesta ka arritur të bllokojë agjendën e partive politike dhe të tërheqë një pjesëmarrje të gjerë qytetare, duke u shndërruar në një lëvizje që tejkalon strukturat partiake.
Protesta ka krijuar një dinamikë të re politike, duke mobilizuar qytetarë që nuk janë domosdoshmërisht të angazhuar politikisht, por që i bashkohen përmes pakënaqësisë së përbashkët.
Ka arritur të kapë ëndrrën e partive politike për të parë qytetarët të angazhuar në protesta masive.
Pjesëmarrja po rritet vazhdimisht, edhe përtej strukturave të organizuara.
Ndryshe nga protestat e partive politike që shpesh zbehen pas orës së parë, kjo protestë ka vijuar për disa orë dhe ka tërhequr pjesëmarrës të rinj gjatë zhvillimit të saj.
Kume u ndal edhe te ndikimi që kjo protestë ka pasur në agjendën politike të partive, duke përmendur shtyrjen apo anulimin e disa aktiviteteve të tyre të brendshme.
PD ka anuluar agjendën e vet, do të bënte zgjedhjet për kryesinë dhe sekretariatet dhe e shtynë atë.
Berisha në një bashkëbisedim me qytetarët dhe serish e ka shtyre datën nuk ka asnjë datë fikse. Pra protesta e ka bllokuar agjendën e partive politike .
Pjesëmarrja është e gjerë, në turmë nuk vërehen struktura të organizuara që marrin role drejtuese, ndërsa pjesëmarrja mbetet kryesisht spontane dhe e nxitur nga rrjetet sociale.
Protesta ka ‘ikur’ nga Zvërneci.
Kërkesa kryesore e protestuesve mbetet dorëheqja e kryeministrit Rama, ndërsa situata politike e krijuar tregon, konsumim të gjatë të sistemit politik në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
