Administrata e Donald Trump u ka urdhëruar firmat amerikane që ofrojnë softuerë të përdorur për të projektuar gjysmëpërçues që të ndalojnë shitjen e shërbimeve të tyre grupeve kineze, raporton Financial Times, duke cituar persona të njohur me këtë veprim.
Grupeve të Automatizimit të Dizajnit Elektronik, të cilat përfshijnë Cadence, Synopsys dhe Siemens EDA, iu tha nga departamenti i tregtisë që të ndalonin furnizimin e teknologjisë së tyre, shtoi raporti.
Byroja e Industrisë dhe Sigurisë lëshoi direktivën për kompanitë, sipas personave të cituar në raportimin e FT.
Ky veprim shënon një përpjekje të re dhe të rëndësishme nga administrata amerikane për të penguar aftësinë e Kinës për të zhvilluar çipa të inteligjencës artificiale të nivelit të lartë, ndërsa SHBA kërkon një avantazh teknologjik ndaj rivalit të saj gjeopolitik.
Në prill, administrata kufizoi eksportin e çipave të inteligjencës artificiale të Nvidia-s, të cilët janë specifikë për Kinën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
