Gjendja e Papa Françeskut vijon të mbetet kritike pasi ai kaloi dy kriza të frymarrjes të hënën dhe u desh t’i vendosej maskë oksigjeni.
Sipas Vatikanit problemet e frymëmarrjes u shkaktuan nga një “akumulim i konsiderueshëm” i mukusit në mushkëritë e Atit të Shenjtë dhe spazma bronkiale që shkaktojnë bllokim të rrugëve të frymëmarrjes.
Mjekët kryen dy bronkoskopi me nevojën e aspirimit të sekrecioneve të bollshme, sipas Vatikanit.
Megjithatë Bergolio ka qenë në çdo moment vigjilent, i orientuar dhe bashkëpunues, por prognoza mbetet ende e rezervuar.
Krizat e fundit janë një tjetër pengesë në betejën e papës 88-vjeçare për t’u shëruar nga pneumonia.
Të dielën, Vatikani tha se gjendja e Papës argjentinase ishte e qëndrueshme pasi pësoi një “krizë të izoluar të frymëmarrjes” dhe mori një ventilim mekanik jo-invaziv më 28 shkurt.
Françesku ka qenë në spitalin Gemelli të Romës që nga 14 shkurti dhe nuk është parë në publik që kur u shtrua. Kjo mungesa e tij më e gjatë nga publiku që nga fillimi i papatit të tij në mars 2013.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
