Një skenë emocionuese u shënua në hapjen e seancës speciale të Parlamentit Europian, teksa diskutohej konflikti në Ukrainë, pas agresionit rus.
Gjithçka filloi me një ovacion për ambasadorin e Ukrainës, ku deputetët u ngritën në këmbë dhe mbanin bluza me flamurin e Ukrainës.
Presidentja e Parlamentit Evropian, Roberta Metsola, falenderoi Presidentin Volodymyr Zelensky, i cili u bashkua me video-lidhje.
“Zoti President faleminderit që i treguat botës se çfarë do të thotë të ngrihesh në këmbë. Faleminderit që na kujtuat rreziqet e vetëkënaqësisë”, tha Metsola në fjalën e saj.
Më tej shtoi se Parlamenti Europian, e mirëpret kërkesën e Ukrainës për t’u bërë pjesë e Bashkimit Europian dhe se do të punojnë për ta bërë realitet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
