Anëtari i Lëvizjes Vetëvendosje dhe ish-kandidati për deputet nga kjo parti, Sadri Ramabaja, është ndaluar mbrëmë në portin e Durrësit.
Lajmin e ka konfirmuar për Koha.net zëdhënësi i policisë së Kosovës, Baki Kelani.
“Personi me inicialet S. R. shtetas i Republikës së Kosovës, është ndaluar mbrëmë nga autoritetet e Shqipërisë në pikën kufitare dalëse të Durrësit. Këto informacione Policia e Kosovës i ka siguruar nga autoritetet e Shqipërisë, me të cilët është në kontakt për procedura të mëtutjeshme lidhur me rastin”, ka thënë ai.
Kujtojmë se Ramabaja është i dyshuar për vepër penale “Vrasje e përfaqësuesve të lartë të Republikës së Kosovës”, për të cilën, ai pati thënë se po përballet me shantazh politik nga prokuroria Speciale,bëjnë të ditur mediat e Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
