Një ngjarje e ndodhur dje në Itali rrëfen më shumë se çdo gjë tjetër dramën e prindërve të moshuar që lënë pas fëmijë me aftësi të kufizuara. Një 80-vjeçar në Valone ka vrarë të birin, 50 vjeç, me aftësi të kufizuara, dhe më pas është vetëvrarë.
Fermeri Francesco Sali ka qëlluar me armë zjarri të birin, i cili kishte lindur me aftësi të kufizuara. Më pas, ai është vetëvrarë, duke lënë pas bashkëshorten. Kjo e fundit i ka gjetur të dy trupat në vilën ku jetonin menjëherë sapo është kthyer nga mesha e së dielës.
Policia, e cila ka hetuar ngjarjen, i ka përjashtuar të gjitha hipotezat e tjera. Banorët e zonës thonë se prej kohësh Francesco Sali kishte shprehur shqetësim për të ardhmen e të birit, për shkak të moshës së thyer të të dy prindërve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
