Krerët e shteteve dhe qeverive të G7 do të mblidhen sot në Borgo Egnazia të Italisë për samitin e tyre.
Kryeministrja italiane Giorgia Meloni do të mirëpresë krerët e 7 vendeve më të rëndësishme.
G7 e organizuar nga presidenca italiane fillon sot dhe përfundon të shtunën më 15 qershor.
Në këto tri ditë sesionesh do të trajtohen çështjet kryesore ndërkombëtare.
Ndër temat kryesore që do të diskutohen janë Ukraina dhe Gaza, por edhe marrëdhëniet mes Lindjes dhe Perëndimit, polemika për të drejtën e abortit dhe ndihma e re për Kievin me fondet e ngrira ruse.
Të pranishëm do të jenë krerët e shteteve dhe qeverive të shtatë shteteve anëtare ( Kanada, Franca, Gjermania, Japonia, Italia, Mbretëria e Bashkuar, Shtetet e Bashkuara ), si dhe presidenti i Këshillit Evropian dhe presidenti i Komisionit Evropian që përfaqëson Bashkimi Europian.
Në punimet e samitit do të marrin pjesë edhe përfaqësues të disa shteteve dhe organizatave ndërkombëtare të ftuar nga presidenca e radhës.
Algjeria me Presidentin Abdelmadjid Tebboune, Argjentina me Javier Milei, Brazili me Luis Ignacio Lula da Silva, Presidenti i Emirateve të Bashkuara Arabe Mohammed bin Zayed, Mbreti i Jordanisë Abdallah II, Narendra Modi, Kryeministri i Indisë , presidenti i Kenisë , i Mauritanisë (gjithashtu president i Bashkimit Afrikan ), Papa Françesku . Bashkë me ta edhe presidenti i Bankës Afrikane për Zhvillim dhe Bankës Botërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
