Tom Holland ka treguar se nuk ka përdorur asnjë medikament për një vit e katër muaj. Ylli i "Spiderman: No Way Home" tha se projekti i tij më i fundit, "The Crowded Room" e ndihmoi atë të njohë "shkaktuesit" e tij.
Në shfaqje, Holland luan Danny Sullivan, një djalë i ri i cili aksidentalisht e fut veten në telashe pasi u arrestua për një krim që nuk e kreu.
“Të mësosh për shëndetin mendor dhe fuqinë e tij, dhe të flasësh me psikiatër për betejat e Danny-t, ka qenë diçka që ka qenë kaq informuese për jetën time”, tha britaniku për Entertainment Weekly .
26-vjeçari foli edhe me psikiatër në përpjekje për ta ndihmuar atë të kuptojë më mirë karakterin e tij.
"Unë nuk jam i huaj për aspektet fizike të punës duke bërë të gjithë punën e filmit aksion," shpjegoi ai. "Por aspekti mendor, me të vërtetë më mundi dhe mu desh një kohë e gjatë të shërohem e të kthehem në realitet."
Pas nëntë muajsh xhirime, Holland e kuptoi se ishte koha të shkëputej nga personazhi i tij për hir të shëndetit të tij.
“Po e shihja veten tek ai personazh, mbaj mend që pata një moment në shtëpi dhe mendoja: Do rruaj kokën. Më duhet të rruaj kokën, sepse më duhet të heq qafe këtë personazh'”, tha Holland.
“Dhe, padyshim, ishim në mes të xhirimeve, kështu që vendosa të mos e bëja. Ishte ndryshe nga çdo gjë që kam përjetuar më parë.”
Holland shpreson që shikuesit "të kenë më shumë respekt dhe më shumë simpati për njerëzit që po kalojnë probleme të shëndetit mendor" pas përvojës së tij.
“Shpresoj që njerëzit të ndihen të arsimuar për fuqitë e shëndetit mendor, përpjekjet dhe aftësitë tona të pabesueshme për të mbijetuar,” shtoi ai.
Holland vitin e kaluar zbuloi se do largohej nga platformat e mediave sociale për t'u kujdesur më mirë për shëndetin e tij mendor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
