Përplasja në distancë me ambasadorin amerikan e ka çuar prokurorin e Përgjithshëm, Adriatik Llalla, në Presidencë. Menjëherë pasi u bë publike letra me të cilën prokurori i Përgjithshëm ka njoftuar presidentin dhe kryetarin e Kuvendit, Ilir Meta, se ndodhet në një presion të hapur nga ana e Ambasadës së SHBA-së, Llalla i është drejtuar Presidencës.
Përmes një letre, të vënë në dispozicion nga zyra e shtypit e prokurorisë, por pa datë, mësohet se kryeprokurori i ka njoftuar presidentin Nishani, por dhe Metën për atë që e quan ndërhyrje dhe shantazhim duke anuluar vizat amerikane nga kjo ambasadë.
Në letër thuhet se anulimi i vizave ka disa arsye, të cilat lidhen me qëndrime dhe përfitime personale të Ambasadorit të SHBA në Tiranë, z. Donald Lu.
Ndërkohë, ambasadori Lu raportohet se Lu është takuar me ministrin e Brendshëm, Saimir Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
