Të paktën 9 mijë gra janë vrarë në Gaza që nga 7 tetori

Të paktën 9,000 gra janë vrarë në Gaza që nga 7 tetori, tha në një deklaratë të premten Ministria palestineze e Shëndetësisë në Gaza.

Ndërkohë rreth 60,000 gra shtatzëna në Rripin e Gazës vuajnë nga "kequshqyerja, dehidratimi dhe mungesa e kujdesit të duhur shëndetësor".

Rreth 5000 gra shtatzëna në Rripin e Gazës lindin çdo muaj në "kushte të vështira, të pasigurta dhe jo të shëndetshme"

Agjencia e OKB-së për Ndihmë dhe Punë (UNRWA), e cila është agjencia kryesore e ndihmës në Gaza, postoi gjithashtu një deklaratë në X (ish-Twitter), duke thënë se mesatarisht 63 gra vriten në enklavë në ditë.

“Në #Ditën Ndërkombëtare të Gruas, gratë në #Gaza vazhdojnë të durojnë pasojat e kësaj lufte brutale”, thuhet në deklaratë.

Komisioneri i Përgjithshëm i UNRWA, Philippe Lazzarini tha se kërkohet më shumë punë për të mbështetur dhe mbrojtur gratë. “Një armëpushim i menjëhershëm është minimumi”, ka shkruar ai.