Njiihuni me ushqimet që mbrojnë sistemin imunitar

Sistemi ynë imunitar  kryen një funksion të jashtëzakonshëm duke mbrojtur organizmin nga agjentët patogjenë të jashtëm, mikrobet dhe bakteriet e ndryshme. Sistemi imunitar është një sistem, jo një njësi e vetme. Për të punuar mirë, ai kërkon ekuilibër dhe një regjim ushqimor të shëndetshëm . Living ju fton të zbuloni disa nga ushqimet që mbrojnë kështjellën tuaj.

• Kërpudhat : kërpudhat janë të pasura në selenium dhe beta-glukan, një mineral dhe molekulë komplekse që stimulojnë aktivitetin e rruazave të bardha të gjakut.
• Hudhra : Hudhra përmban alicininë dhe ka veti të forta anti-bakteriale. Studimet e shumta kanë provuar se konsumimi i vazhdueshëm i hudhrave ul me 46% mundësinë e prekjen nga virozat stinore.
• Peshku : Peshku, sidomos salmoni i freskët ka nivele të larta të vitaminës D. Personat që vuajnë nga mungesa e vitaminës D rrezikojnë të preken me afro 40% nga infeksionet e rrugëve të frymëmarrjes.
• Çaji i zi : Studimet në universitetin e Harvardit kanë provuar që pesë filxhanë më caj të zi në ditë ndihmojnë sistemin tonë imunitar. Gjithçka falë teaninës, një amionacid që gjendet në çajin e zi.
• Bajamet : Bajamet , por edhe fruta të tjera të thata si lajthitë dhe stikat janë shumë të pasura me vitaminë E. Vetitë e tyre antioksiduese forcojnë veprimtarinë imune dhe mbrojnë shëndetin.
• Luleshtrydhet dhe specat djegës : Kombinim i çuditshëm apo jo, por shumë i shëndetshëm. Këto dy produktë janë të pasura me vitamin E dhe janë imuno-stimulante.
• Patatet e ëmbla dhe kungulleshkat : Patatet e ëmbla dhe kungulleshkat janë shumë të shëndetshme. Kanë nivele të larta beta-karoteni dhe vitamine A që forcojnë aktivitetin e sistemit imunitar.
• Maja birre, gruri dhe qepa : Po pyesni se cfarë kanë të perbashkët këto ushqime? Shumë e thjeshtë, janë të pasur në hekur, zink dhe selenium. Një kombinimi mineralesh që stimulojnë sistemin tonë imunitar.