Partia Demokratike ka dërguar në KQZ, kërkesën për regjistrimin e kandidatëve të saj për 6 bashkitë për zgjedhjet vendore të 6 marsit.
Bëhet fjalë për Indrit Sefën si kandidat për bashkinë e Lushnjes, Luan Hotin për Durrësin, Xhemal Bushatin për Shkodrën, Ferdinand Saraçin për Rrogozhinën, Luan Hakën për Dibrën dhe Ymer Markun për Vorën.
Këtë e ka konfirmuar edhe përfaqësuesi ligjor i Partisë Demokratike në KQZ, Marash Logu përmes një postimi në rrjete sociale.
Postimi i Marash Logut:
Sapo dorëzuam në KQZ, dokumentacionin zyrtar të kandidatëve të Partia Demokratike e Shqipërisë. Suksese përfaqësuesve të vetëm të demokratëve në zgjedhjet e 6 Marsit: Xhemal Bushati në Shkodër, Luan Haka në Dibër, Ymer Marku në Vorë, Ferdinand Saraci në Rrogozhinë, #LuanHoti në Durrës dhe Indrit Sefa në Lushnjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
