Kryeministri i Japonisë Fumio Kishida alarmoi për plakjen e popullsisë dhe lindshmërinë e ulët dhe të gjitha problemet që ajo sjell në shoqëri dhe ekonomi.
Ai tha se vendi i tij është në prag të mos funksionimit të shoqërisë për shkak të rënies së nivelit të lindjeve, duke shtuar se diçka duhet bërë "tani ose kurrë".
Japonia, 125 milionë banorë vlerësohet të ketë pasur më pak se 800,000 lindje vitin e kaluar. Në vitet 1970, kjo shifër ishte më shumë se dy milionë. Shkalla e lindjeve po ngadalësohet në shumë vende, duke përfshirë fqinjët e Japonisë.
Por çështja është veçanërisht e mprehtë në Japoni pasi jetëgjatësia është rritur në dekadat e fundit, që do të thotë se ka një numër në rritje të të moshuarve dhe një numër në rënie të punëtorëve për t'i mbështetur ata.
Japonia tani ka përqindjen e dytë më të lartë në botë të njerëzve të moshës 65 vjeç e lart, rreth 28% pas shtetit të vogël të Monakos, sipas të dhënave të Bankës Botërore.
"Japonia është në prag nëse ne mund të vazhdojmë të funksionojmë si shoqëri. Përqendrimi i vëmendjes në politikat në lidhje me fëmijët dhe rritjen e fëmijëve është një çështje që nuk mund të presë dhe nuk mund të shtyhet", u tha zoti Kishida ligjvënësve.
Ai tha se përfundimisht dëshiron që qeveria të dyfishojë shpenzimet e saj për programet që lidhen me fëmijët. Një agjenci e re qeveritare për t'u fokusuar në këtë çështje do të ngrihet në prill, shtoi ai.
Megjithatë, qeveritë japoneze janë përpjekur të promovojnë strategji të ngjashme më parë, pa sukses. Rënia e nivelit të lindjeve është nxitur nga një sërë faktorësh, duke përfshirë rritjen e kostove të jetesës, më shumë gra në arsim dhe punë, si dhe akses më të madh në kontracepsion, duke çuar që gratë të zgjedhin të kenë më pak fëmijë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
