Në Pentagon vijojnë largimet pas shkarkimit të sekretarit të Mbrojtjes, Mark Esper, i cili u zëvendësua me Christopher Miller, kreu i qendrës kombëtare kundër terrorizmit.
Sipas CNN, tre drejtues të tjerë të lartë të mbrojtjes u shkarkuan ose dhanë dorëheqjen brenda 24 orësh dhe u zëvendësuan me figura të diskutueshme, por besnikë ndaj presidentit Trump. Midis këtyre ishte gjenerali Anthony Tata, i cili mori detyrën e James Anderson.
Në të kaluarën, ai kishte bërë deklarata islamofobe, kishte promovuar teori konspirative dhe e ka quajtuar Barack Obamën një "udhëheqës terrorist".
Verën e kaluar, ai u propozua si nënsekretar i Mbrojtjes, por emërimi i tij u anulua për shkak të kundërshtimeve dypartiake. Gjithashtu, është larguar edhe nën admirali Joseph Kernan, zëvendës Sekretari i Mbrojtjes për Inteligjencën, i zëvendësuar nga Ezra Cohen-Watnick, i cili në 2917 i pati siguruar materiale konfidenciale të inteligjencës ish-kryetarit të komisionit 007 Devin Nunes për të mbështetur tezën që Trump ishte vendosur në mënyrë të padrejtë nën mbikëqyrje.
Shefi i stafit të ministrit nuk do të jetë më Jen Stewart, por Kash Patel, i cili ka punuar me vetë Nunes dhe është ndër udhëheqësit që vonuan ndihmën ushtarake amerikane për Ukrainën në sfondin e presionit të Trump për ta bërë Kievin të hapte një hetim mbi Biden.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
