Me një numër të lartë pacientësh përballen urgjencat në kryeqytet përgjatë të gjithë vitit. Në urgjencën e QSUT-së, mjeku Eqerem Hasani bëri me dije se numri i vizitova shkon në 340 vizita, ndërsa me fillimin e punës në spitalin e infektivit ajo ka rënë në 250.
Ai thekson se në një cikël vjetor regjistrohen 70-80 mijë vizita, ndërsa shtoi se mosha mesatare e pacientëve është rreth 55 vjeç. Sa i përket pandemisë ai shprehet se ajo e ka vështirësuar shumë situatën sepse kanë ikur kolegë, duke e cilësuar si një luftë e dijes me sëmundjen, por dhe luftë psikologjike.
Sa i përket shpërblimit financiar, Hasani tha se stimuli monetar nuk është pjesë e tij, ai tha se rrogat janë rritur gjithsesi, por a duhet rritur akoma, kjo varet nga planet e qeverisë. Shërbimi i urgjencës është i organizuar në bazë të kodeve, dhe kjo varet nga parametrat me të cilat paraqitet pacienti.
Ndërsa shefja e urgjencës në spitalin ‘Shefqet Ndroqi’, Olvis Petre deklaroi se edhe në këtë spital paraqiten shumë pacientë, ku rastet janë mbi 50-60. Ndërsa veçoi se përballja me Covid-19 ka qenë dhe lufta më e vështirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
