Duke folur për orientimin e shqiptarëve të Maqedonisë së Veriut në konceptin e integrimit të tyre dhe jo vetëm, në këtë shtet multietnik, gazetari Latif Mustafa, në edicionin e sontëm të “Arnautistan”, në MCN TV, i tha moderatorit Mustafa Nano, se rëndon idetë e kombeve në Ballkan janë reciproke.
Sipas tij, identitetet ndërtohen si antitezë e tjetrit dhe në këtë rast shqiptarët atje janë një lloj orienti i dyfishtë, mes “Maqedonisë shqiptare” dhe “Shqipërisë shqiptare”.
“Kishim problemet e fundit me tekstet shkollore me historinë e shqiptarëve, ku aty shqiptarët projektohen si ardhacak, me pjeradhje turke e deri rome, kjo ideja e tjetrit në Ballkan është disi reciproke, gjithçka që ata mendojnë për neve, edhe ne mendojmë për ta. Identitetet ndërtohen si antitezë e tjetrit. Por cfare ndodh me shqiptarë në Maqedoni në këtë rats, me shqiptarët karshi maqedonasve dhe karshi shqiptarëve. Shqiptarët e Maqedonisë në një farë mënyrë janë një lloj orienti i dyfishtë, janë projketuar si orienti i Maqedonisë shqiptare, por edhe si orienti i Shqipërisë shqiptare, dmth, aty bëhet një lloj kryqëzimi i dy orienteve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
